???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 காந்தி பிறந்த நாள்: பாலிவுட் நட்சத்திரங்களுடன் கலந்துரையாடிய பிரதமர்! 0 வங்கிகள் இணைப்புக்கு எதிர்ப்பு: நாடு தழுவிய வேலை நிறுத்தத்துக்கு அழைப்பு! 0 பணப்புழக்கம் குறைந்ததே தீபாவளி விற்பனை குறையக் காரணம்: வணிகர் சங்கம் 0 பொறுப்பு அதிகமாகியுள்ளது: டாக்டர் பட்டத்துக்குப் பின் முதலமைச்சர் பேச்சு! 0 ராமதாஸின் கேள்விகளுக்கு விடையளிக்க மு.க.ஸ்டாலின் மறுப்பது ஏன்? ஜி.கே.மணி கேள்வி 0 சென்னை: அதிகாலையில் கனமழை! 0 இடைத்தேர்தல் வாக்குப்பதிவு தொடங்கியது! 0 மகாராஷ்டிரம், ஹரியானா சட்டப்பேரவை தேர்தல்: வாக்குப்பதிவு தொடங்கியது! 0 தமிழக அமைச்சர்களை அவதூறு செய்ததாக சீமான் மீது வழக்கு! 0 பாகிஸ்தான் இராணுவம் தாக்கியதில் 2 இந்திய வீரர்கள் மரணம்! 0 இடைத்தேர்தல் பிரசாரம் ஓய்ந்தது: நாளை வாக்குப்பதிவு! 0 இன்னும் ஒரு மாதத்தில் எடப்பாடி பழனிசாமி ஆட்சி கவிழும்: மு.க.ஸ்டாலின் 0 அ.தி.மு.க. வேட்பாளர்களை வெற்றி பெற செய்தால் அரசு நிர்வாகம் மேலும் வலுவூட்டும்: அதிமுக அறிக்கை 0 தமிழகத்தில் 4 நாட்களுக்கு மழை தொடரும்: வானிலை ஆய்வு மையம் 0 பணத்தை இரட்டிப்பு செய்து தருவதாக கூறி ரூ.23 கோடி மோசடி
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

ஒரே வாக்கியம் ஆயிரம் பக்கங்களில்... புக்கர் பட்டியலில் மிரட்டும் நாவல்!

Posted : சனிக்கிழமை,   ஜுலை   27 , 2019  07:23:22 IST


Andhimazhai Image
ஆங்கில இலக்கிய உலகின் மிகப்பெரிய பரிசாக கருதப்படும் 'தி புக்கர்' விருதுககான 2019-ஆம் ஆண்டு இறுதிப் பட்டியலில் இடம்பெற்றிருக்கும் 13 புனைவுகள் அறிவிக்கப்பட்டிருக்கின்றன. அவற்றில் மார்கரெட் அட்வுட்ஸ் எழுதிய 'தி டெஸ்டமெண்ட்ஸ்', சல்மான் ருஷ்டியின் 'கியுசாட்' போன்ற நாவல்கள் இடம்பெற்றுள்ளன. 
 
இந்தப் பட்டியலில் புக்கர் பரிசுக்கு பரிந்துரைக்கப்பட்டிருக்கும் ஒரு நூல் மிகுந்த கவனத்தை பெற்றிருக்கிறது. லூசி எல்மன் எழுதியிருக்கும் 'டக்ஸ் நியுபரிபோர்ட்' எனும் அந்த புத்தகம் பரவலாக பேசப்படுவதற்கு ஒரு முக்கிய காரணம் இருக்கிறது. அது ஒரே வாக்கியத்தால் ஆனது. அந்த வாக்கியம் 1000 பக்கங்களுக்கு நீள்கிறது. 
 
அட்வுட்ஸின் புத்தகமும் எதிர்பார்ப்புக்குரிய படைப்புதான் என்றாலும், எல்மனின் இந்த மாறுபட்ட புத்தகம் நடுவர்கள் மற்றும் விமர்சகர்களிடம் தனித்து நிற்கிறது என்கின்றனர்.
 
இந்நாவல் பற்றி விவரிக்கும் தி டெலகிராஃப் பத்திரிகை, "ஒஹியோவை சேர்ந்த இல்லத்தரசி கூறுவதுபோல் அமைந்த  இந்த நாவலில் இரவு உணவு விருந்தில் இடம்பெறும் உணவு வகைகள் முதல் ட்ரம்ப் ஆட்சியில் இருக்கும் அமெரிக்காவின் இருண்ட பக்கங்கள் வரை இடம்பெற்றுள்ளன. அந்த நீண்ட வாக்கியம் 426,100 வார்த்தைகள் கொண்டுள்ளது. இடையில் வரும் ஒர் உபகதை மலை சிங்கத்தின்பார்வையில் சொல்லப்பட்டு வாசகர்களுக்கு இடைவெளி அளிக்கிறது" என தெரிவித்துள்ளது.
 
நனவோடை உத்தியின் எல்லைகளைப் பரிசோதித்துப் பார்க்கும் விதத்தில் இது அமைந்துள்ளது என்கிறது கார்டியன் பத்திரிகை.
 
இதேபோல், இந்த புத்தகம் குறித்து ஆழமான வாசிப்புகொண்ட வாசர்களின் கருத்துகளும் நேர்மறையாக இருக்கின்றன. புத்தகத்திற்கு ஐந்து நட்சத்திரம் மதிப்பெண் வழங்கிய வாசகர் ஒருவர் கூறுகையில், "உங்களால் இந்த புத்தகத்துக்குள் பயணிக்க முடியும். கதையை எழுதியவர் விவரிக்கும் முறையின் மூலம் உங்களை கதைக்குள் இழுத்துக்கொள்வார். இந்த புத்தகம் உங்களை சிரிக்க வைக்கும், அழ வைக்கும், கோபமும்கொள்ள வைக்கும்" என குறிப்பிட்டுள்ளார்.
 
"எழுத்தாளர் கதையை சொல்ல ஏன் இந்த வடிவத்தை தேர்ந்தெடுத்தார் என எனக்கு தோன்றியது. படித்த பிறகு தேவையின் பொருட்டு அவர் இதை செய்திருக்கிறார் என்பது புரிந்தது" என கூறியிருக்கிறார் மற்றொரு வாசகர்.
 
2019 புக்கர் பரிசுக்கு பரிந்துரைக்கப்பட்டிருக்கும் நாவலில் ஒன்று மட்டுமே புதிய எழுத்தாளருடையது. பிரிட்டனில் வசிக்கும் ஒயின்கன் ப்ரைத்வைட் எழுதிய அவரது முதல் நாவலான 'மை சிஸ்டர், தி சீரியல் கில்லர்' புக்கர் பரிசுக்கு பர்ந்துரைக்கப்பட்டிருக்கிறது. புக்கர் பரிசின் சுருக்கமான இறுதிப் பட்டியல் செப்டம்பர் 3-ஆம் தேதி வெளியிடப்பட்டு, அக்டோபர் 14-ஆம் தேதி வெற்றிப்பெற்ற புத்தகம் அறிவிக்கப்படுகிறது.

English Summary
Booker prize nominee book Ducks, Newburyport

click here
 

 

Print

 

கேலரி
புகைப்படத்தொகுப்பு -
மேலும்...