???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 10 பொதுத்துறை வங்கிகள் இணைப்பு இன்று அமல் 0 மக்களின் ஒத்துழைப்பு இருந்தால்தான் நோயின் பரவலைக் கட்டுப்படுத்த முடியும்: முதல்வர் 0 கூட்டுறவு கடன், குடிநீர் கட்டணம், சொத்து வரி கட்ட 3 மாதம் அவகாசம் 0 கொரோனாவால் பாதிக்கப்பட்டவர்கள் எண்ணிக்கை 124 ஆக உயர்வு 0 கலைஞர் அரங்கத்தை கொரோனா தனிமைப்படுத்தும் வார்டாக பயன்படுத்தலாம்: மு.க.ஸ்டாலின் கடிதம் 0 நாளை முதல் ரேஷன் கார்டுகளுக்கு ரூ.1,000 விநியோகம் 0 ஓய்வுபெற இருந்த மருத்துவர்கள், செவிலியர்களின் பதவிக்காலம் நீட்டிப்பு 0 தமிழகத்துக்கு ராணுவம் தேவையில்லை: தலைமைச் செயலாளர் 0 திருமணம், அவசர மருத்துவம் தொடர்பாக மட்டுமே செல்ல அனுமதி 0 தெலுங்கானாவில் கொரோனாவுக்கு 6 பேர் பலி 0 கொரோனா தடுப்பு நடவடிக்கைகளுக்காக ₹ 500 கோடி ரிலையன்ஸ் நிதி 0 ஒரே நாடு ஒரே ரேஷன் அட்டை திட்டம் ஒத்தி வைப்பு 0 உலகம் முழுவதும் கொரோனாவால் 36,206 பேர் உயிரிழப்பு 0 4500 பேருக்கு உணவளிக்கும் தொழிலதிபர் 0 நட்சத்திரங்களுடன் ஒரு வண்ணத்துப்பூச்சி: 37 - இயக்குநர் ராசி அழகப்பன் எழுதும் தொடர்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

ஹைட்ரஜனால் இயங்கும் உலகின் முதல் சொகுசுப்படகு: பில்கேட்ஸ் வாங்கினாரா?

Posted : சனிக்கிழமை,   பிப்ரவரி   15 , 2020  00:31:30 IST


Andhimazhai Image

ஹைட்ரஜன் எரிபொருளால் இயங்கக்கூடிய உலகின் முதல் சொகுசு உல்லாசப் படகு ‘அக்வா’- இதை 645 மில்லியன் டாலர்களுக்கு மைக்ரோசாஃப்ட் உரிமையாளர் பில் கேட்ஸ் வாங்கிவிட்டார் என்பது பரபரப்பான தகவல். பில் கேட்ஸுக்கு என்னப்பா.. எதை வேண்டுமானாலும் வாங்கலாம் என்கிறீர்களா? ஆனால் இதை நாங்கள் விற்கவில்லை என இதன் வடிவமைப்பாளர் சாண்டர் சினோட் மறுத்துள்ளார். இன்னும் இந்த படகு தயாராகி கடலில் இறங்கவில்லை. ஆனாலும் அதற்குள் இதைப் பற்றி பரபரப்பு பற்றிக்கொண்டுள்ளது. காரணம் இதில் இருக்கும் நவின உல்லாச வசதிகள்.

 

எண்ணற்ற சொகுசு வசதிகளுடன் கூடிய இந்த அதிநவீன படகு மொனாக்கோ படகு கண்காட்சியில் கடந்த ஆண்டு அறிமுகப்படுத்தப்பட்டது. அங்குலம் அங்குலமாக சொகுசு வசதிகளால் இழைக்கப்பட்டிருக்கும் இந்த படகு ஹைட்ரஜன் எரிபொருளால் இயங்கக்கூடியதாகும். இதனால் இந்த கடல் சூழலியலுக்கு எவ்வித பாதிப்புமில்லாத நீரை மற்றுமே வெளியேற்றும். இந்த அம்சமே அக்வாவுடன் பில் கேட்ஸை இணைத்தது. இயல்பாகவே சுற்றுச்சூழல் மீதும், பருவநிலை மாற்றம் மீதும் அக்கறை செலுத்தும் நபர் பில் கேட்ஸ்.

 

அக்வாவில் அப்படி என்னதான் இருக்கிறது?

 

அக்வாவில் என்ன இருக்கிறது என்பதை சொல்வதைவிட எது இல்லையென சொல்லிவிடுவது எளிது. இதில் இருக்கும் வசதிகளின் பட்டியல் அந்த அளவுக்கு நீள்கிறது. 370 அடி நீளம் கொண்ட அக்வா சொகுசு படகில் ஐந்து தளங்கள் உள்ளன. மொத்தமாக 31 பேர் கொண்ட குழு பணியாற்றும் இதில் உடற்பயிற்சி மையம், யோகா ஸ்டுடியோ, அழகு நிலையம், மசாஜ் பார்லர் என பல வசதிகள் உள்ளன. இவை எல்லாவற்றையும்விட மற்ற சொகுசுக் கப்பல்களில் இருந்து அக்வாவை வேறுபடுத்தி காட்டுவது ஹைட்ரஜனில் இயங்கும் திறன் தான்.

 

28 டன் அளவுள்ள இரண்டு தொட்டிகள் குளிரூட்டப்பட்டு, திரவ ஹைட்ரஜனால் நிரப்பப்படுகின்றன. இவை அக்வா இயங்குவதற்கான எரிசக்தியை வழங்குகின்றன.

 

அக்வா சூப்பர் படகு கடலின் தன்மைகளுக்கு ஏற்ப வடிவமைக்கப்பட்டிருக்கிறது. அலைகளின் இயக்கம், காலநிலை போன்றவற்றை உள்வாங்கி செயல்படும் திறன் இதற்கு உள்ளது.

 

படகின் பின்புறம் பொழுதுபோக்கின் உச்சங்களை அடையும் வாய்ப்பளிக்கும் இரண்டு பகுதிகள் உள்ளன. ஒன்று நீச்சல் குளம், சூரிய குளியல் தளம் அடங்கிய பகுதி. மற்றொன்றில் வெளிப்புற உணவருந்தும் இடம், குளிமையான மாலை நேரங்களில் குளிர் காய்வதற்கு உதவும் இடம் இருக்கிறது.

 

கடலை நோக்கி இறங்கும்படி அமைக்கப்பட்டிருக்கும் நீச்சல் குளம் ரம்மியத்திற்கான எடுத்துக்காட்டு. கீழ்புறம் 14 பேர் அமரக்கூடிய டைனிங் ஹால் திரையரங்கத்துடன் வடிவமைக்கப்பட்டுள்ளது.

 

ஹைட்ரஜனால் இயங்கும் அக்வா அந்த சக்தியை மின்சாரமாக மாற்றி, தண்ணீரை மட்டும் கடலில் கலக்கிறது. ஒருமுறை ஹைட்ரஜன் நிரப்பினால் அதனை கொண்டு 3,750 மைல்கள் பயணிக்கும். அட்லாண்டிக் கடலை கடக்க இது போதுமானது என கணக்கிட்டிருக்கிறார்கள்.

 

ஆனால், அக்வா 2024-க்கு பிறகு தான் கடலில் இயக்கப்படும் என்கிறார் இதன் வடிவமைப்பாளர் சாண்டர் சினோட். மேலும், இதன் உரிமத்தை பில் கேட்ஸ் வாங்கிவிட்டதாக கூறப்படுவதையும் மறுக்கிறார்.  சரி வுடுங்க.. பல் இருக்கறவன் பக்கோடா சாப்பிடறான்… இல்ல… பக்கோடா தயாரிக்கிறான்…

 

 



click here
 

 

Print

 

கேலரி
புகைப்படத்தொகுப்பு -
மேலும்...