???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 தமிழகத்தில் மீண்டும் 4,000-ஐ கடந்த கொரோனா பாதிப்பு 0 தமிழகம் முழுவதும் தளர்வு இல்லா முழு ஊரடங்கு 0 தமிழகத்தில் கொரோனாவுக்கு ஒரே நாளில் 69 பேர் உயிரிழப்பு 0 கல்லூரி செமஸ்டர் தேர்வு பற்றி முடிவு செய்ய மாநில அரசுகளுக்கு அதிகாரம் வேண்டும்: முதலமைச்சர் கடிதம் 0 கேரள தங்கக் கடத்தல்: ஸ்வப்னா சுரேஷ் கைது 0 நடிகர்கள் அமிதாப் பச்சன், அபிஷேக் பச்சனுக்கு கொரோனா தொற்று 0 நிலவேம்புக்கு கொரோனா எதிர்ப்புத்திறன் - சுவீடன் பல்கலை. கூட்டு ஆராய்ச்சியில் கண்டுபிடிப்பு 0 கொரோனா பாதிப்பு காலத்தில் தேர்வுகளை நடத்துவது நியாயமற்றது: ராகுல் காந்தி 0 தமிழகத்தில் பாதிக்கப்பட்டவர்களின் எண்ணிக்கை 1,30,261 ஆனது! 0 அமைச்சர் செல்லூர் ராஜூவுக்கும் கொரோனா தொற்று 0 நெருக்கமான பகுதியான தாராவி சாதித்துள்ளது: உலக சுகாதார அமைப்பு பாராட்டு 0 சாத்தாகுளம் சம்பவம் தொடர்பாக பாடகி சுசித்ராவின் வீடியோவை நம்ப வேண்டாம்: சிபிசிஐடி 0 கட்சியிலும், ஆட்சியிலும் சசிகலாவிற்கு ஒருபோதும் இடமில்லை: ஜெயக்குமார் 0 வகுப்பறை வாசனை-8- நான் இப்பொழுது பெரிய பள்ளிக்கூடத்தில்- ந.முருகேசபாண்டியன் எழுதும் தொடர் 0 தமிழகத்தில் வெளிநாட்டு இஸ்லாமியருக்குக் கொடுமை! -கே.எஸ்.அழகிரி அறிக்கை
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

போட்டியாளர்களை மட்டுமல்ல பார்வையாளர்களையும் வசீகரிக்கும் பிக்பாஸ் குரல்!

Posted : புதன்கிழமை,   செப்டம்பர்   18 , 2019  05:08:30 IST

பிக்பாஸ் வீட்டின் நேற்றைய எபிசோடின் ஹீரோவாக கவின் மாறிவிட்டார். தொடர்ந்து காதல் , சண்டை என்று சென்றுகொண்டிருந்த பிக்பாஸில் தற்போது கடுமையான போட்டி நடைபெற்றுவருகிறது.

 

டிக்கெட் டு ஃபினாலே டாஸ்குகள் இன்றும் தொடர்ந்தது. போட்டியாளர்களுக்கு தனித் தனியாக பியூரட் (வடியளவி) வைக்கப்பட்டிருக்கும். அதுபோல டெஸ்ட் டியூபுகளில் பல வர்ண திரவம் இருக்கும். போட்டியாளர்கள் ஒருவர் பின் ஒருவராக சென்று கொடுக்கப்படிருக்கும் வாசகத்தை படிக்க வேண்டும். அந்த வாசகம் யாருக்கு பொருந்தும் என்று அவர்கள் நினைக்கிறாரகளோ அந்த போட்டியாளரின் பியூரட்டில் வர்ண திரவத்தை ஊற்ற வேண்டும்.

 

இந்த போட்டியில் கொடுக்கப்பட்ட வாசகங்கள்

 

பிக்பாஸ் வீட்டில் தங்களை தொலைத்துவிட்டு தேடுபவர்கள்.

 

மக்கள் அனுதாபத்திற்காக நடிப்பவர்கள்

 

மற்றவர்கள் வெற்றியில் பயணம் செய்பவர்கள்

 

கூட்டத்தில் தங்களை மறைத்துக்கொள்பவர்கள்

 

நட்புக்கு பின்னால் சுயநலம் , தந்திரத்தை வைத்துகொண்டு செயல்படுபவர்.

 

இந்த டாஸ்கில் ஷெரின் முதல் இடத்தையும், சேரன் இரண்டாவது இடத்தையும், தர்ஷன் மூன்றாவது இடத்தையும் பிடித்தனர். வழக்கம்போல் கவின் கடைசி இடத்தை பிடித்தார். லாஸ்லியாவும் முகெனும் நான்காவது  இடத்தில் சமமாக இருந்ததால்,  அந்த இடத்திற்கு இருவரில் ஒருவரை தேர்வு செய்யுங்கள் என்று போட்டியாளர்களுக்கு பிக்பாஸ் கட்டளையிட்டார். லாஸ்லியாவே முகென் பெயரை சொன்னதால் முகெனுக்கு நான்காம் இடம் வழங்கப்பட்டது.

 

தொடர்ந்து தராசு மாதிரியான ஒரு வடிவமைப்பு செய்யப்பட்ட டாஸ்க் தொடங்கியது. தராசின் ஒரு பக்கத்தை போட்டியாளர்கள் ஒரு  காலால் அழுத்தி சமநிலையில் பிடித்துக் கொள்ள வேண்டும். இன்னொரு பக்கம் ஐந்து மரக்கட்டைகளை குறிப்பிட்ட இடைவெளியில் அடுக்கி அது சாயாமல் பார்த்துக் கொள்ள வேண்டும். 

 

ஒவ்வொரு முறை டாஸ்க் பசரின் ஒலி கேட்கும்போது மரக்கட்டைகளை அடுக்க வேண்டும். டாஸ்க் தொடங்கிய சில நொடிகளில் சேரனும் தர்ஷனும் போட்டியை விட்டு வெளியேறினர். தொடர்ந்து சாண்டி வெளியேறினார். ஷெரின் சிறிது நேரம் தாக்குப்பிடித்தாலும் அவரும் வெளியேறினார். ஐந்து மரக்கட்டைகளையும் அடுக்கி முடித்த லாஸ்லியா, முகென், கவின் ஆகியோர் டாஸ்கை தொடர்ந்தனர். ’கவினா இது’... என்பதுபோல் அசத்தலாக விளையாடினார். போட்டியாளர்கள் அனைவரும் லாஸ்லியாவையும் முகெனும் உற்சாகப்படுத்தினாலும் கவின் அதையெல்லாம் கண்டுகொள்ளாமல் விளையாடினார்.

 

லாஸ்லியாவும் அசத்தலாக விளையாடினார். லாஸ்லியா டாஸ்கில் தனது முழு கவனத்தை செலுத்தினாலும்கூட கவினை உற்சாகப்படுத்தினார். ‘கவின் விட்டுவிடாதே ‘ என்று கூறிய அவர் டாஸ்கை தொடராமல் வெளியேறினார். இறுதியாக கவினா? முகெனா? என்ற நிலை ஏற்பட்டது. இருவரும் விட்டுகொடுக்காமல் விளையாடினார்கள்.  இந்த டாஸ்கில் முகென் முதல் இடத்தையும் கவின் இரண்டாம் இடத்தையும் பிடித்தனர்.

 

என்னதான் போட்டி மனப்பான்மையுடன் விளையாடினாலும் டாஸ்க் முடிந்ததும் அனைவரும் ஒன்றாகி விடுகிறார்கள்.

 

தொடர்ந்து பிக்பாஸ் குரல் ஒலித்தது. ’பிக்பாஸை பற்றி என்ன நினைத்தாலும் சொல்லாம். அது கோபமாக இருந்தாலும் சரி அன்பாக இருந்தாலும் சரி. மனதில் இருப்பதை நேரடியாக சொல்லாம்’ என்றார். ஷெரின் முதலில் சென்றார். ‘ எனது பெயரை சொல்வதற்கு உங்களுக்கு 7 நாட்கள் ஆனது. உங்கள் குரலில் எனது பெயரை கேட்கும்போது கிடைத்த மகிழ்ச்சியை விவரிக்க இயலாது. இந்த வீட்டுக்குள் வந்த போது ஒரு வித தனிமை என்னிடம் இருந்தது. தற்போது நிறைய அனுபவங்கள் இருக்கிறது’ என்றார்.

 

தர்ஷனோ ‘ எனக்கு சில நேரங்களில் தனியறைக்கு அழைத்து ஆறுதலாக பேசியிருக்கிறீர்கள். பரோட்டாவும் சிக்கனும் தாருங்கள்’ என்றார்.

 

சேரன்’ ஒரு குரலுக்கு கட்டுபட்டு இருப்பது என்ற உணர்வு இங்கே வந்துதான் கிடைத்தது. உங்களை நேசிக்கிறேன்’ என்றார்.

 

சாண்டி ‘ உங்களை பார்த்தால் கட்டியணைத்து முத்தமிட வேண்டும். அவ்வளவு உங்களை பிடிக்கும். எப்போதும்போல் இல்லாமல் நீங்களும் எங்களை கலாய்ப்பது எங்களுக்கு பிடித்திருக்கிறது’ என்றார்.

 

தொடர்ந்து பேசிய பிக்பாஸ் ‘ நீங்கள்  அனைவரும் நன்றாக பேசினீர்கள். இப்போது அனைவரும் சமைத்து சாப்பிட்டு. தூங்குங்கள்’ என்றார்.

 



click here
 

 

Print

 

கேலரி
புகைப்படத்தொகுப்பு -
மேலும்...