அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 என்னை அன்பால் மாற்றியவர் என் மனைவி: ரஜினி 0 பழனி முருகனுக்கு 16 ஆண்டுகளுக்கு பிறகு கும்பாபிஷேகம்! 0 சாதனையாளர்களுக்கு விருது வழங்கினார் முதலமைச்சர் மு.க.ஸ்டாலின்! 0 தேசியக் கொடியை ஏற்றினார் ஆளுநர் ஆர். என்.ரவி! 0 கொடியேற்றிய முதலமைச்சர்; விழாவை புறக்கணித்த முதல்வர்: தெலங்கானாவில் பரபரப்பு! 0 கொலிஜியத்தில் ஒன்றிய அரசின் பிரதிநிதிகள் வேண்டும்: சட்ட அமைச்சர் கடிதம் 0 “ஒன்று கூடுவோம் ஸ்டாலின்.. தமிழ்நாடு வாழ்க”: ட்வீட் செய்த கமல்ஹாசன்! 0 குட்கா, பான் மசாலா புகையிலை பொருட்களுக்கு நிரந்தர தடை விதிக்க முடியாது: நீதிமன்றம் உத்தரவு! 0 இருளர் பழங்குடி செயல்பாட்டாளர்களுக்கு பத்ம விருதுகள்! 0 ஜெயலலிதா பயன்படுத்திய பொருட்கள் ஏலம்: நீதிமன்றம் அதிரடி உத்தரவு! 0 நாஞ்சில் சம்பத் மருத்துவமனையில் அனுமதி 0 ஆளுநரின் தேநீர் விருந்து: ஒட்டுமொத்தமாக புறக்கணித்த திமுக கூட்டணி கட்சிகள் 0 தமிழ்நாட்டில் ஆர்.எஸ்.எஸ் அணிவகுப்பு விவகாரம்: தீர்ப்பு தள்ளிவைப்பு 0 "வீட்டை முற்றுகையிடுவோம்": தாமரைக்கு எதிராக ஜல்லிக்கட்டு அமைப்பு 0 மருத்துவம் தொடர்பான சர்ச்சை கருத்துகள்: சித்த மருத்துவர் ஷர்மிகாவிடம் விசாரணை!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

பாபா ரீ-ரிலிஸ்: எப்படி உள்ளது திரைப்படம்?

Posted : செவ்வாய்க்கிழமை,   டிசம்பர்   13 , 2022  11:15:48 IST


Andhimazhai Image

சூப்பர் ஸ்டார் ரஜினிகாந்தின் 72வது பிறந்தநாளை முன்னிட்டு அவரது பாபா திரைப்படம் ரீ-ரிலீஸ் செய்யப்பட்டுள்ளது. ரஜினிகாந்தின் கதை, திரைக்கதையில் சுரேஷ் கிருஷ்ணா இயக்கத்தில், 2002ஆம் ஆண்டு வெளிவந்த பாபா படத்திற்கு எதிர்பார்த்த அளவிற்கு வரவேற்பு கிடைக்காததால் சில மாற்றங்களுடன் இருபது வருடங்களுக்குப் பிறகு புதுப் பொலிவுடன் ரிலீஸாகியுள்ளது.

 
படத்தின் கதைப்படி, தெய்வீக குணத்துடன் பிறக்கும் ரஜினிகாந்த் நாத்திகராக உள்ளார். அவருக்கு பாபாவின் அருள் கிடைக்க, ஐந்து மந்திரங்கள் உபதேசிக்கப்படுகிறது. அதை பயன்படுத்தி ரஜினிகாந்த் என்னவெல்லாம் செய்கிறார் என்பதுதான் படத்தின் கதை.

 
நாத்திக ரஜினியின் நடிப்பில் துள்ளலும், ஆத்திக ரஜினியின் நடிப்பில் சாந்தமும் என ஒவ்வொரு நிலைக்கு ஏற்ப தேர்ந்த நடிப்பை வழங்கியுள்ளார் ரஜினிகாந்த். ‘கத்தியை நீ எடுத்தா சண்ட…நான் எடுத்தா சமாதானம்’ என்ற வசனத்தை ரஜினிகாந்த் பேசும்போதெல்லாம் புல்லரித்துவிடுகிறது. அவர் பேசும் வசனங்களுக்காகவே பாபாவை மீண்டும் மீண்டும் பார்க்கலாம்.

 
கவர்ச்சி கன்னியாகவும், குடும்பப் பெண்ணாகவும் மனிஷா கொய்ராலா அசத்தியிருக்கிறார். காமெடியனாக கவுண்டமணி, அறிவுரை சொல்லும் மாமாவாக நம்பியார், பாசம் நிறைந்த அம்மாவாக சுஜாதா, பார்வையாலேயே மிரட்டும் ஆஷிஷ் வித்யார்த்தி என படத்தில் வரும் ஒவ்வொரு நடிகர்கள் சிறப்பாகவே நடித்துள்ளனர்.


இறுதிக் கட்சியை குறைத்தது போல், ரஜினிகாந்திற்கும் மனிஷா கொய்ராலாவுக்குமான காட்சிகளைக் குறைத்திருக்கலாம். மனிஷா கொய்ராலாவை பார்த்து பெண்கள் எப்படி உடை உடுத்த வேண்டும் என ரஜினி எடுக்கும் பாடம் இன்றைய காலத்துக்கு பொருத்தமற்றவை.

 
ரஜினியின் உதட்டு சாயம், மேக்கப், உடல் மொழி போன்றவை பெரும் குறையாகவே தெரிகிறது. படத்தின் தொடக்கத்திலும் இறுதியிலும் ரஜினி புதிதாக டப்பிங் பேசியிருப்பது தனியாக தெரிகிறது. சவுண்ட் மிக்ஸ்ஸிங் துல்லியமாக இல்லை. அது சண்டைக் காட்சிகளில் அப்படமாகத் தெரிகிறது. ஏ.ஆர்.ரகுமானின் பாடலும் பின்னணி இசையும் படத்தின் பலம்.

 
படத்தில் அறை மணி நேரம் குறைக்கப்பட்டிருப்பதால் சில இடங்களில் காட்சிகள் துண்டு துண்டாக முடிந்துவிடுகிறது. முன்பு படத்திலிருந்த ஏழு மந்திரம் தற்போது ஐந்து மந்திரமாகக் குறைக்கப்பட்டுள்ளது. பழைய இறுதிக் காட்சிக்குப் பதிலாக புதிய இறுதிக் காட்சியுடனும் படம் முடிவடைகிறது.

 
அழுத்தமற்ற திரைக்கதையும் தெளிவற்ற கதாபாத்திர உருவாக்கமும் பாபா படத்தின் பெரும் குறைகள். இதை கவனத்தில் கொள்ளாமல் எத்தனை முறை ரீ-ரிலிஸ் செய்தாலும் சோபிக்குமா என்று தெரியாது.



 

 

Print

 

கேலரி
புகைப்படத்தொகுப்பு -
மேலும்...