தமிழக மெட்ரோ நகரங்களில் 5 முறைக்கு மேல் ஏ.டி.எம் பயன்படுத்தினால் ரூ.20 கட்டணம்!

Posted : சனிக்கிழமை, நவம்பர் 01 , 2014 01:26:33 IST

Latest Novels at Attractive Price

சென்னை உள்ளிட்ட 6 மெட்ரோ நகரங்களில் மாதத்துக்கு 5 முறைக்கு மேலாக ஏடிஎம் பயன்படுத்தினால் கட்டணம் வசூலிக்கும் நடைமுறை இன்று முதல் அமலுக்கு வருகிறது. அதன்படி, கணக்கு வைத்திருக்கும் வங்கியின் ஏடிஎம்மை மாதத்தில் 6வது முறை பயன்படுத்தும் போதிலிருந்து ஒவ்வொரு முறையும் 20 ரூபாய் கட்டணம் வசூலிக்கப்பட உள்ளது. பணம் எடுப்பது மட்டுமின்றி, கணக்கில் இருப்பை அறிவது, மினி ஸ்டேட்மென்ட் எடுப்பது ஆகிய நடவடிக்கைகளும் இந்த எண்ணிக்கையில் அடங்கும். ரிசர்வ் வங்கியின் புதிய விதிமுறையின்படி நாட்டின் 6 பெரு நகரங்களில் மட்டும் இந்த நடைமுறை அமலுக்கு வருகிறது. சென்னை, டெல்லி, மும்பை, கொல்கத்தா, பெங்களூரு, ஹைதராபாத் ஆகிய நகரங்களில் வங்கி வாடிக்கையாளர்கள் பிற வங்கி ஏடிஎம்மை பயன்படுத்தும் அனுமதியும் 5ல் இருந்து 3 ஆக குறைக்கப்பட்டுள்ளது. எனினும், சென்னை தவிர,தமிழகத்தின் பிற பகுதிகளிலும், பூஜ்யம் இருப்பு வைக்க அனுமதியுள்ள சிறிய சேமிப்பு கணக்குகளிலும் தற்போதுள்ள நிலையே தொடரும் என்றும் ரிசர்வ் வங்கி வட்டாரங்கள் தெரிவிக்கின்றன.

மற்றவை

மேலும்...

கேலரி

மேலும்...