???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 சாவா்க்கருக்கு ‘பாரத ரத்னா’ விருது வழங்கப்படுமா? மத்திய அரசின் மழுப்பல் பதில்! 0 சென்னை சுற்று வட்டார பகுதிகளில் மழை 0 அரசியலில் சிறந்த வாய்ப்பினை பா.ஜ.க. எனக்கு ஏற்படுத்தி கொடுத்தது: தமிழிசை 0 மாணவி ஃபாத்திமா மரண வழக்கு: கேரளத்தில் மத்திய குற்றப்பிரிவு போலீஸ் விசாரணை 0 திருமாவளவனை தரம் தாழ்த்தும் பிற்போக்காளர்களின் எண்ணம் ஒருபோதும் ஈடேறாது: பா.ரஞ்சித் 0 மாவட்ட ஆட்சியரை விமர்சித்த திமுக எம்.எல்.ஏ மீது வழக்கு! 0 காங்கிரஸ், தேசியவாத காங்கிரஸ் தலைவர்கள் இன்று சந்திப்பு 0 நித்தியானந்தா மீது கடத்தல், மிரட்டல் பிரிவுகளில் போலீஸ் வழக்குப் பதிவு! 0 காயத்ரி ரகுராமின் ட்விட்டர் பக்கம் முடக்கம்! 0 மு.க.ஸ்டாலினுடன் கே.எஸ்.அழகிரி சந்திப்பு 0 மாநில தலைமை தகவல் ஆணையர் தேர்வில் வெளிப்படைத்தன்மை: மு.க.ஸ்டாலின் குற்றச்சாட்டு 0 'தல' அஜித் அரசியலுக்கு வரக்கூடாதா?: அமைச்சர் ராஜேந்திர பாலாஜி 0 கோவை விபத்தில் காலை இழந்தப் பெண்ணுக்கு வேலை கோரி மனு 0 தமிழக தலைமை தகவல் ஆணையராக ஆர்.ராஜகோபால் நியமனம் 0 சிறப்பு அந்தஸ்து ரத்தை திரும்பப் பெற வேண்டும்: காஷ்மீர் எம்.பிக்கள் போராட்டம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

'அசுரன்' - தமிழ்சினிமாவில் மற்றுமொரு அபூர்வம்!

Posted : சனிக்கிழமை,   அக்டோபர்   05 , 2019  02:36:42 IST


Andhimazhai Image
வெளியான முதல் நாளிலேயே மக்களிடமும், விமர்சன தளத்திலும் பெரும்பாராட்டுகளை குவித்திருக்கிறது அசுரன்.  பூமணியின் வெக்கை நாவலை வாசித்தவர்கள் அல்லது அறிந்தவர்களுக்கு அசுரன் படத்தின் கதைச் சுருக்கத்தை சொல்ல வேண்டியதில்லை. அந்நாவலை தழுவி உருவாக்கப்பட்டிருப்பதுதான் வெற்றிமாறன் இயக்கத்தில் தனுஷ் நடித்திருக்கும் இந்த அசுரன்.
 
 சிமண்ட் தொழிற்சாலை கட்டுவதற்காக ஏழை மக்களிடமிருந்த பஞ்சமி நிலத்தையெல்லாம் பிடுங்கிய வடக்கூரானுக்கு, நடுவில் துண்டாக இருக்கும் சிவசாமியின் (தனுஷ்) நிலம் மட்டும் வசப்படாமல் உறுத்துகிறது. அதற்காக அவன் செய்யும் அட்டூழியங்களின் முடிவில் சிவசாமியின் மூத்த மகன் முருகன் கொல்லப்படுகிறான். மகனை பறிக்கொடுத்துவிட்டு தாய் பச்சையம்மாள் (மஞ்சு வாரியர்) படும் துயரத்தை பார்க்க முடியாத சிவசாமியின் இளைய மகன் சிதம்பரம் (கென் கருணாஸ்), அண்ணனை அநியாயமாக கொன்றுவிட்ட வடக்கூரானை திட்டம் தீட்டி முடித்துவிடுகிறான்.
 
மூத்த மகனை துள்ளத்துடிக்க கொன்றவன் பிணமானது சிவசாமிக்கு (தனுஷ்) உள்ளூர மகிழ்ச்சிதான் என்றாலும், வாழவேண்டிய சிதம்பரத்துக்கு முன்னிருக்கும் ஆபத்துகள் சிவசாமியை அச்சுறுத்துகிறது. எஞ்சியிருக்கும் குடும்பத்தை எதிரிகளிடமிருந்து பாதுகாப்பதற்காக மனைவி பச்சையம்மாளையும், மகளையும் மைத்துனர் பசுபதியுடன் அனுப்பிவிட்டு, மகனை அழைத்துக்கொண்டு காட்டுக்குள் ஓடி திரிகிறான்.  மகனையும் குடும்பத்தையும் காப்பாற்ற துடிக்கும் சிவசாமியின் போராட்டமாக அசுரன் திரையில் நீள்கிறது.
 
கதை நிகழும் நிலம், அம்மனிதர்களின் மொழி, அவர்களது வாழ்க்கையை சிதறடிக்கும் சாதிய கோரத்தை அசலாக பதிவு செய்ததில் அசுரன் தமிழ் சினிமாவில் மற்றுமொரு மிகமுக்கிய படைப்பாக சேர்ந்திருக்கிறது. ஒரு நாவலை எடுத்து திரைவடிவில் மாற்றியிருக்கும் வெற்றிமாறன், முடிந்தவரை அதன் கருப்பொருளை அசலாக உணர்த்தி வெற்றிபெற்றிருக்கிறார்.
 
குடும்பத்தை காக்க துடிக்கும் சாதாரண சம்சாரியாக இருக்கும் சிவசாமியின் முன்கதையில், வெறுமென அவனது கடந்தகாலத்தை மட்டும் சொல்லாமல், சாதிய ஆதிக்க கொடூரர்களால் அம்மக்கள் கண்ட துயரத்தை, பஞ்சமிநில மீட்பு போராட்டத்தை, இரக்கமற்ற படுகொலைகளை சொல்லி உணர்த்திய பகுதி கனமானது.
 
மகனை இழந்து கதறும் அப்பாவி தந்தையாக, சிதம்பரத்தை காப்பாற்ற களமிறங்கும் வேங்கையாக, முன்கதையில் விடலைத்தன இளைஞராக நடிப்பில் பல பரிமாணங்களை இப்படத்தில் தனுஷ் எட்டியிருக்கிறார். அவரது திரைவாழ்வில் காலம்கடந்து பெயர் சொல்லும் படமாக நிச்சயம் அசுரன் இருக்கும்.
 
கென் கருணாஸ், மஞ்சு வாரியர், பசுபதி, பிரகாஷ் ராஜ், அம்மு அபிராமி என அனைவரது பாத்திர வார்ப்புகளும் கதையின் தேவைக்கு கச்சிதமாக பொருந்தியிருக்கிறது. பழித்தீர்கும்போது கோபத்தையும், அதுவரை அறிந்திராத தந்தையின் வீரத்தை காணும்போது திகைப்பையும் கண்களாலேயே இயல்பாக உணர்த்தி படம் நெடுக ஆச்சரியப்படுத்தியுள்ளார் கென். வேற்றுமொழியைச் சேர்ந்தவர் என்பதற்கு தடமே இல்லாமல் மஞ்சுவாரியரின் நடிப்பிலும், வசன உச்சரிப்பிலும் கரிசல்வாசம் வீசுகிறது.
 
இருளிலும், ஒளியிலும் மாறிமாறி பயணிக்கும் திரைக்கதையில் வேல்ராஜின் ஒளிப்பதிவு அருமை. முன்கதையில் காண்பிக்கப்படும்  காலகட்டத்தின் காட்சிகளுக்கு ஒளிப்பதிவு கூடுதலாக வலுசேர்த்திருக்கிறது. ஆக்‌ஷன் காட்சிகளின்போது அசுரா பாடலோடு வரும் ஜி.வி. பிரகாஷின் இசை முறுக்கேற்றுகிறது. குறிப்பாக பின்னணி இசையில் தேவையின்போது இசைத்து, மற்ற இடங்களில் காட்சியின் சப்தங்களுக்கு வழிவிட்டதில் பிரகாஷ் நிமிர்ந்து நிற்கிறார்.
 
சாதிய ஆதிக்கவாதிகளின் கொடுமைகளுக்கு இரையாக்கப்படும் ஒடுக்கப்பட்ட மக்களின் வாழ்க்கையில் அவர்கள் எவ்வாறு விரட்டப்படுகிறார்கள், உயிர்பிழைத்திருக்க அவர்கள் எப்படியெல்லாம் போராட வேண்டியிருக்கிறது என்பதை இப்படம் அழுத்தமாக சொல்லியிருக்கிறது. தமது ஆதிக்கத்தை நிறுவிக்கொள்வதற்கான ஆதிக்கவாதிகளின் குற்றச்செயல்களையும், தம்மையும் தமது குடும்பத்தையும் பாதுகாக்க உழைக்கும் மக்கள் ஆயுதம் ஏந்துவதையும் காவல், நீதி அமைப்புகள் பாகுபாட்டுடன் அனுகுவதை அசுரன் தோலுரிக்கிறது. நாவலை கொண்டு உருவாக்கியதில், கதைக்களம் – உள்ளடக்கத்தில், படைக்கப்பட்ட விதத்தில் என அனைத்துவகையிலும் தமிழ்சினிமாவில் அசுரன் ஒரு அபூர்வம். 
 
நாயக பிம்பத்தை முன்னிறுத்தும் இன்னொரு சினிமாதான் என்றாலும் கூட கதையாலும் சாதியப் பின்னணியாலும் இதை அபூர்வம் என்றே சொல்லவேண்டி இருக்கிறது.
 
-வசந்தன்


click here
 

 

Print

 

கேலரி
புகைப்படத்தொகுப்பு -
மேலும்...