அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 பட்னாவிஸ் துணைமுதல்வர் - பா.ஜ.க.வின் அடுத்த அதிரடி 0 அடுத்த திருப்பம்... ஷிண்டேதான் முதலமைச்சர்- பா.ஜ.க. அறிவிப்பு 0 கர்நாடக சட்டசபை தேர்தலில் பா.ஜனதாவுக்கு பின்னடைவு: ஆய்வில் தகவல் 0 ஓராண்டில் 131 கோடி முறை பெண்கள் இலவசப் பயணம்! 0 மூன்றாம் பாலினத்தவர்கள் எம்.பி.சி. பிரிவில் சேர்ப்பு! 0 கொரோனா பாதிப்பால் சிகிச்சை பெறுபவர்கள் எண்ணிக்கை 10,000-ஐ கடந்தது 0 இரட்டைத் தலைமைதான் நல்லது: எம்.ஜி.ஆர் பேரன் 0 தமிழகத்தில் 2 நாள்களுக்கு கனமழைக்கு வாய்ப்பு! 0 நடிகர் சூர்யாவிற்கு முதல்வர் ஸ்டாலின் பாராட்டு 0 மதுரையில் அடுத்த ஜிஎஸ்டி கவுன்சில் கூட்டம்! 0 உத்தவ் விலகல் - இனிப்புடன் பா.ஜ.க. கொண்டாட்டம் 0 பதவிவிலகினார் உத்தவ் தாக்கரே - மகாராஷ்டிரத்தில் திடீர் திருப்பம் 0 ராஜஸ்தானில் தையல் கடைக்காரரின் தலையைத் துண்டித்த கொலைகாரர்கள் கைது! 0 அயர்லாந்துக்கு எதிரான 2வது டி20 போட்டியில் இந்திய அணி திரில் வெற்றி! 0 நடிகை மீனாவின் கணவர் காலமானார்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

சிட்னி டெஸ்ட்: போராடி டிரா செய்த இந்திய அணி!

Posted : திங்கட்கிழமை,   ஜனவரி   11 , 2021  13:02:15 IST


Andhimazhai Image

காலையில் இந்தியா- ஆஸ்திரேலியா சிட்னி டெஸ்ட் ஆட்டத்தின் ஸ்கோரைப் பார்த்தவர்கள் ரிஷப் பந்தும் புஜாராவும் அவுட் ஆனதும் இந்தியா சுருண்டு விடும் என்று நினைத்திருப்பார்கள். ஆனால் ஹனுமா விஹாரியும் அஸ்வினும் வேறு திட்டம் வைத்திருந்தார்கள். இருவரும் சேர்ந்து சுமார் 40 ஓவர்களுக்கு மேல் போராடித் தாக்குப் பிடித்து ஆட்டத்தை டிரா செய்துவிட்டார்கள். சிட்னியில் இரண்டாவது இன்னிங்க்ஸில் 200 ரன்களுக்கு மேல் எடுக்க முடியாது என்று சொன்ன ரிக்கி பாண்டிங்கின் முகத்தில் கரி.

 

அதுவும் என்ன மாதிரி ஆட்டம். ஹனுமா விஹாரிக்கு தொடக்கத்திலேயே கால் தசையில் காயம் ஏற்பட்டு ஓடமுடியவில்லை. அவர் நொண்டிக்கொண்டே இருந்தார். ஓர் முனையில் அவர் தடுப்பாட்டம் மட்டுமே ஆடினார். ஓடவே இல்லை. அதற்கு ஏற்ப அஸ்வினும் இன்னொரு முனையில் நிலைத்து நின்றார். ஆஸ்திரேலியாவின் வேகப்பந்து வீச்சாளர்கள் அஸ்வினை வீழ்த்த, ஆளைக் குறிவைத்து போட்ட பந்துகளை எல்லாம் உடலில் வாங்கிக்கொண்டாலும் மனந்தளராமல் ஆடினார்.

 

1979-ல் 131 ஓவர்கள் ஆடி, இந்திய அணி நான்காவது இன்னிங்க்ஸில் டிரா செய்துள்ளது. அதற்குப் பிறகு டிரா செய்ய 131 ஓவர்கள் ஆடி இருப்பது இப்போதுதான் என்பதைக் கவனிக்கவேண்டும்.

 

முன்னதாக 97 ரன்களில் அவுட் ஆன ரிஷப் பந்த், 73 ரன்களில் அவுட் ஆன புஜாரா போன்றவர்களின் பங்களிப்பும் முக்கியமானது.

 

ஆனால் அஸ்வினுக்கும் விஹாரிக்கும் நிச்சயம் இது மறக்கவே முடியாத ஆட்டமாக மாறி இருக்கும். ஜடேஜா கட்டை விரலில் அடிபட்டு ஆட வர முடியாத நிலைவேறு. இந்த நிலையில் எல்லா வாய்ப்புகளும் இந்தியாவுக்கு எதிராக இருந்த நிலையில் இந்த டிரா செய்யப்பட்டுள்ளது.

 

அஸ்வின் பந்துவீச்சாளர் என்ற நிலையில் இருந்து மட்டை வீச்சிலும் சிறந்தவர் என்று பலமுறை நிரூபித்துள்ளார். இருப்பினும் இந்த ஆட்டம் அவருக்கு மிகுந்த நிறைவாக அமைந்திருக்கும். அவ்வப்போது காயமடைந்த விஹாரியிடம் பேசி அவரையும் ஊக்கப்படுத்தி, ஸ்டார்க், கம்மின்ஸ் என்ற வேகப்பந்து அரக்கன்களை சமாளித்து, கடைசி மூன்று மணி நேரம் முழுக்க அஸ்வின் ஷோ!



 

 

Print

 

கேலரி
புகைப்படத்தொகுப்பு -
மேலும்...