சென்னையில் தனது உற்பத்தி தொழிற்சாலையை தொடங்கும் அமேசான்!

அமேசான் தனது முதல் உற்பத்தி தொழிற்சாலையை சென்னையில் தொடங்கவுள்ளதாக அறிவித்துள்ளது. இந்திய நுகர்வோருக்கு தேவையான ஃபயர் டிவியை ஃபாக்ஸ்கான் நிறுவனத்துடன் இணைந்து அமேசான் நேரடியாக உற்பத்தி செய்யவுள்ளது.

இதற்காக அமேசான் நிறுவனம் எவ்வளவு நிதி முதலீடு செய்கிறது, எத்தனை பேருக்கு வேலைவாய்ப்பு அளிக்கிறது என இன்னும் இறுதி செய்யப்படவில்லை. எனினும், "தமிழ்நாடு அமேசான் நிறுவனத்திற்கு மிக முக்கியமான நட்பு சக்தியாக உள்ளது. அங்கு எமது முதல் உற்பத்தி தொழிற்சாலையை தொடங்குவது மகிழ்ச்சி" என அந்நிறுவனம் தெரிவித்துள்ளது.