???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 விவசாயக் கடன்கள் தள்ளுபடி: முதல்வராக பதவியேற்றவுடன் முதல் கையெழுத்திட்ட கமல்நாத் 0 500, 2000 ரூபாய் அச்சடித்ததில் செலவு எவ்வளவு? ரிசர்வ் வங்கிக்கு உத்தரவு! 0 சீக்கிய கலவர வழக்கு: காங்கிரசை சேர்ந்த சஜ்ஜன் குமாருக்கு ஆயுள் தண்டனை 0 ஆசிரியர் பற்றாக்குறை: வெள்ளை அறிக்கை அளிக்க அரசு தயாரா? ராமதாஸ் கேள்வி 0 ஸ்டெர்லைட் ஆலைக்கு எதிராகப் போராடினால் நடவடிக்கை! தூத்துக்குடி ஆட்சியர் 0 குட்கா ஊழல்: சென்னையில் 3 இடங்களில் சிபிஐ சோதனை 0 முக்கொம்பில் புதிய அணை கட்ட ரூ.387.60 கோடி ஒதுக்கீடு 0 தேர்தலுக்குப் பிறகே பிரதமரை முடிவு செய்வோம்: மம்தா, சித்தாராம் யெச்சூரி கருத்து 0 60 ஆண்டு கால தமிழக அரசியலை தீர்மானித்தவர் கருணாநிதி: சோனியா காந்தி புகழாரம் 0 தமிழகத்தின் கலாசாரத்தை சீர்குலைக்க மத்திய அரசு முயற்சி: ராகுல் காந்தி 0 குட்கா முறைகேடு: முன்னாள் அமைச்சரிடம் சிபிஐ அதிகாரிகள் விசாரணை 0 சசிகலா, தினகரன் இல்லாமல் அதிமுகவில் இணைய முடியாது: தங்க தமிழ்ச்செல்வன் 0 கலைஞர் கருணாநிதி சிலை திறப்பு விழாவில் பங்கேற்காதது ஏன்?: கமல்ஹாசன் விளக்கம் 0 திமுகவில் இணைந்தது ஏன்? செந்தில் பாலாஜி விளக்கம்! 0 ராஜஸ்தான் முதல்வர் அசோக் கெஹ்லாட்: துணை முதல்வர் சச்சின் பைலட்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

காவிரி விவகாரத்தில் வேறுபாடுகளை மறந்து ஒன்றுபட வேண்டும்: முதலமைச்சர் கோரிக்கை

Posted : வியாழக்கிழமை,   பிப்ரவரி   22 , 2018  08:16:30 IST

காவிரி விவகாரத்தில் அனைத்து கட்சிகளும் கருத்துவேறுபாடுகளை மறந்து ஒன்றுபட வேண்டும் என தமிழக முதலமைச்சர் எடப்பாடி பழனிசாமி கேட்டு கொண்டுள்ளார்.
 
தலைமை செயலகத்தில் நடைபெற்ற   அனைத்துக்கட்சிக்கூட்டத்தில் பேசிய அவர், ஆக்கப்பூர்வமாக தெரிவிக்கப்படும் கருத்துக்கள் குறித்து சட்டவல்லுநர்களுடன் ஆலோசனை மேற்கொள்ளப்படும் என உறுதி அளித்தார்.
 
காவிரி பிரச்னை ஒட்டுமொத்த தமிழர்களின் உணர்வுகளுடன் பின்னி பிணைந்துள்ளதாகவும், இதற்காக அனைத்துக்கட்சிகள் ஓரணியில் திரள வேண்டும் எனவும்  அவர் கேட்டு கொண்டார்.
 
காவிரி விவகாரத்தில் தமிழக அரசு மேற்கொண்ட நடவடிக்கை குறித்து பட்டியலிட்டு பேசிய முதலமைச்சர் எடப்பாடி பழனிசாமி, தமிழக அரசு மேற்கொண்ட சட்டநடவடிக்கைகள் குறித்தும் எடுத்துரைத்தார். 
 
கூட்டத்தில் பேசிய துணை முதலமைச்சர் ஓ. பன்னீர் செல்வம், உச்சநீதிமன்ற இறுதி தீர்ப்பில் அளிக்கப்பட்ட தண்ணீரை பெற உறுதியான நடவடிக்கை எடுக்கப்படும் என உறுதி அளித்தார். உச்சநீதிமன்றம் குறைத்துள்ள 14.75 டிஎம்சி தண்ணீரை பெறுவது தொடர்பாக, சட்ட வல்லுநர்களுடன் கலந்துரையாடி நடவடிக்கை எடுக்கப்படும் என்றும் பன்னீர் செல்வம் குறிப்பிட்டார்.
 
தமிழகத்தின் பொது நலன்களைக் காப்பதில் இந்த ஒற்றுமை உணர்வு தளராமல் தொடர வேண்டும் என கேட்டு கொண்டார். அனைத்துக் கட்சி தலைவர்களையும்  முதல்வர் அழைத்து சென்று பிரதமரைச் சந்தித்து, முதலில் "காவேரி மேலாண்மை வாரியத்தை அமைத்துக் கொடுங்கள்" என்று வலியுறுத்த வேண்டும் என கேட்டு கொண்ட ஸ்டாலின்.  "நீர்பாசனத்தை" பொதுப்பணித் துறையிலிருந்து பிரித்து, அதற்குத் தனி அமைச்சகம் உருவாக்க வேண்டும் எனவும் கேட்டு கொண்டார். 
 
இதனை தொடர்ந்து பேசிய பாஜக மாநில தலைவர் தமிழிசை சவுந்தர ராஜன், காவிரி மேலாண்மை வாரியம் அமைக்க, மத்திய அரசு விரைவில் ஒப்புதல் அளிக்க உள்ளதாக குறிப்பிட்டார். எதிர்வரும் அமைச்சரவை கூட்டத்தில் காவிரி மேலாண்மை வாரியம் அமைக்க ஒப்புதல் அளிக்க வாய்ப்பு உள்ளதாகவும் அவர் குறிப்பிட்டார்.
 
சென்னை வரும் பிரதமரை, அனைத்துக்கட்சி தலைவர்கள் சந்திக்க ஏற்பாடு செய்து, காவிரி மேலாண்மை வாரியம் அமைக்க அழுத்தம் தர வேண்டும் என மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பாலகிருஷ்ணன் வலியுறுத்தி உள்ளார். சட்ட ரீதியான நடவடிக்கைக்காக மீண்டும் ஒருமுறை அனைத்துக்கட்சி கூட்டத்தை கூட்ட வேண்டும் எனவும் அவர் கேட்டு கொண்டுள்ளார். 


click here
 

 

Print

 

கேலரி
புகைப்படத்தொகுப்பு -
மேலும்...