அலங்காநல்லூர் ஜல்லிக்கட்டை தொடங்கி வைக்கும் முதல்வர், துணை முதல்வர்

அலங்காநல்லூரில் நடைபெறவுள்ள ஜல்லிக்கட்டு போட்டியை வரும் 16-ந்தேதி முதல்வர் மற்றும் துணை முதல்வர் இருவரும் தொடங்கி வைத்து பார்வையிடுவதாக அமைச்சர் உதயகுமார் தெரிவித்தார்.

ஜல்லிக்கட்டு  போட்டிகளை நடத்த தமிழக அரசு அனுமதி அளித்ததையடுத்து, பாலமேடு, அலங்காநல்லூர் ஆகிய இடங்களில் விழாவிற்கான ஏற்பாடுகள் மும்முரமாக நடைபெற்று வருகின்றன.

இந்நிலையில், அலங்காநல்லூரில் நடைபெற்று வரும் ஜல்லிக்கட்டு விழா ஏற்பாடுகள் குறித்து ஆய்வு செய்த அமைச்சர் ஆர்.பி.உதயகுமார், வரும் 16-ந்தேதி அலங்காநல்லூரில் நடைபெறும் ஜல்லிக்கட்டு போட்டியை முதல்வர், துணை முதல்வர் இருவரும் தொடங்கி வைக்கின்றனர் என்று கூறியுள்ளார்.