நடிகை மீனாவின் கணவர் காலமானார்!

நடிகை மீனாவின் கணவர் வித்யாசாகர் சென்னையில் உள்ள தனியார் மருத்துவமனையில் காலமானார்.

தமிழ் சினிமாவில் முன்னணி நடிகையாக வலம் வந்தவர் மீனா. ரஜினிகாந்த், கமலஹாசன் உள்ளிட்ட பல முன்னணி நட்சத்திரங்களுடனும் நடித்துள்ளார். இவர் கடந்த 2009 ஆம் ஆண்டு ஜூன் மாதம் பெங்களூருவை சேர்ந்த மென் பொறியாளர் வித்யாசாகர் என்பவரை திருமணம் செய்து கொண்டார். இவர்களுக்கு நைனிகா என்ற மகள் உள்ளார்.

 
மீனா தன்னுடைய கணவருடன் பெங்களூருவில் வசித்து வந்தார். இந்த நிலையில் கடந்த ஆண்டு மீனா மற்றும் அவரது கணவர் வித்யாசாகர் கொரொனாவில் பாதிப்படைந்தனர். கொரொனாவிலிருந்து மீண்டாலும் அதன் பக்கவிளைவால் அவரின் நுரையீரல் பாதிக்கப்பட்டதாகக் கூறப்படுகிறது. இதனால் அவர் தொடர்ந்து சிகிச்சை பெற்று வந்துள்ளார்.

 
இந்நிலையில் நுரையீரல் பாதிப்பு மற்றும் நெஞ்சுவலிக்காரணமாக எம்.ஜி.எம் மருத்துவமனையில் சில நாட்களாக சிகிச்சை பெற்றுவந்த நிலையில், அவர் சிகிச்சை பலனின்றி வித்யாசாகர் நேற்று காலமானார்.