ஐபிஎல் இறுதி போட்டியில் வெளியிடப்படும் அமீர் கானின் லால் சிங் சத்தா திரைப்படத்தின் ட்ரெய்லர்!

அமீர் கான் நடிப்பில் உருவாகி வரும் ‘லால் சிங் சத்தா’ திரைப்படத்தின் ட்ரெயிலர் ஐபிஎல் போட்டியின் இறுதி  ஆட்டம் துவங்குவதற்கு  முன்னதாக நடைபெறும் பிரம்மாண்ட நிகழ்ச்சியில் வெளியிடப்பட உள்ளதாக தகவல்கள் வெளியாகியுள்ளன.
 

‘தி ஃபாரஸ்ட் கம்ப்’ என்ற ஹாலிவுட் திரைப்படத்தின், அதிகாரப்பூர்வ இந்தி ரீமேக் தான் ‘லால் சிங் சத்தா'. இந்தப் படத்தில் கதாநாயகனாக அமீர்கானும், அவருக்கு ஜோடியாக கரீனா கபூரும் நடித்துள்ளனர்.

 
ஐபிஎல் போட்டியின் இறுதி ஆட்டம், குஜராத் மாநிலம் அகமதாபாத்தில் உள்ள நரேந்திர மோடி மைதானத்தில், வருகிற மே 29ஆம் தேதி இரவு 8 மணிக்கு நடைபெற உள்ளது. இந்தப் போட்டி துவங்குவதற்கு முன்னதாக இசையமைப்பாளர் ஏ.ஆர்.ரஹ்மான், பாலிவுட் நடிகர் ரன்வீர் சிங் ஆகியோர் கலந்துகொள்ளும் பிரம்மாண்ட கலை மற்றும் இசை நிகழ்ச்சி நடைபெற உள்ளது.

 
இந்த நிகழ்ச்சியில் தான் அமீர்கானின் ‘லால் சிங் சத்தா’ படத்தின் ட்ரெயிலர் வெளியிடப்படுகிறது. உலக வரலாற்றிலேயே இதுபோன்ற பிரம்மாண்ட கிரிக்கெட் நிகழ்ச்சியில், முதன்முதலாக படத்தின் ட்ரெயிலர் வெளியிடப்பட உள்ளதால், சினிமா மற்றும் கிரிக்கெட் பிரபலங்கள், ரசிகர்களை ஆச்சரியத்தில் ஆழ்த்தியுள்ளது.