???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 இந்தியாவுடன் இனி பேச்சுவார்த்தை இல்லை: இம்ரான் கான் 0 ப.சிதம்பரத்தை சிபிஐ கையாளும் விதம் மிகவும் வருத்தமளிக்கிறது: மம்தா பானர்ஜி 0 அமெரிக்கா டாலருக்கு நிகரான இந்திய ரூபாயின் மதிப்பு கடும் சரிவு! 0 ஸ்டெர்லைட் ஆலையில் விஷவாயு தாக்கி 13 ஊழியர்கள் இறந்தது உண்மையா? ஆதாரம் அளிக்க நீதிமன்றம் உத்தரவு 0 ப.சிதம்பரத்திடம் இன்று இரவு முதல் சிபிஐ விசாரணை தொடங்குகிறது! 0 அன்னிய செலாவணி மோசடி வழக்கில் சசிகலா விளக்கம் அளிக்க உயர்நீதிமன்றம் உத்தரவு 0 நிலவின் முதல் படத்தை அனுப்பியது சந்திரயான் - 2 0 காஷ்மீர் பிரச்சினையில் மத்தியஸ்தம் செய்வது குறித்து டிரம்ப் மீண்டும் பேட்டி 0 காஷ்மீர் விவகாரத்தை திசை திருப்பவே ப. சிதம்பரம் கைது நடவடிக்கை: கார்த்தி சிதம்பரம் 0 ப.சிதம்பரத்தை வேட்டையாட துடிப்பது வெட்கக்கேடானது: பிரியங்கா காந்தி 0 நீதிக்கு தலைவணங்குவேன்; தலைமறைவாக மாட்டேன்: கைதாகும் முன் பேட்டியளித்த ப.சிதம்பரம் 0 ப.சிதம்பரத்துக்கு எதிராக அதிகார துஷ்பிரயோகம்: ராகுல் காந்தி, மு.க.ஸ்டாலின் கண்டனம் 0 காஷ்மீர் விவகாரம்: டெல்லியில் திமுக இன்று ஆர்ப்பாட்டம் 0 ப. சிதம்பரம் கைதை கண்டித்து தமிழகத்தில் இன்று ஆர்ப்பாட்டம் 0 10,000 ஊழியர்களை நீக்க பார்லே நிறுவனம் முடிவு
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

24 மணிநேரம் கடை திறப்புக்கு ஏஐடியூசி எதிர்ப்பு

Posted : சனிக்கிழமை,   ஜுன்   08 , 2019  06:09:38 IST


Andhimazhai Image
24 மணிநேரமும் கடைகள் திறந்துவைத்தால் சிறுதொழில் முனைவோர்கள் பாதிக்கப்படுவார்கள் என்றும் ஊழியர்களின் நிலை மிகவும் மோசமாகும் என்று ஏஐடியூசி தொழிற்சங்கத்தின் தமிழ்நாடு மாநிலப் பொதுச் செயலாளர் டி.எம்.மூர்த்தி  தெரிவித்துள்ளார். 
 
இந்த சட்டத் திருத்தத்திற்கு எதிர்ப்பு தெரிவித்து ஏஐடியூசி தொழிற்சங்கத்தின் தமிழ்நாடு மாநிலப் பொதுச் செயலாளர் டி.எம்.மூர்த்தி வெளியிட்ட அறிக்கை பின்வருமாறு:
 
 
கடைகளை 24 மணிநேரமும் திறந்து வைக்க தமிழக அரசு அனுமதி அளித்துள்ளது. தொழில் வளர்ச்சியையும், வேலை வாய்ப்பையும் அதிகரிப்பதற்காக இந்த நடவடிக்கை என்று அரசு அறிவிப்பு கூறுகிறது. 
 
 
ஆனால் உண்மையில் பெருமுதலாளிகளின் மால்கள், சூப்பர் மார்க்கெட்டுகளில் பணிபுரியும் தொழிலாளர்களும், சில்லரை வணிகர்களும் இதனால் கடுமையாகப் பாதிக்கப் படுவார்கள்.
 
 
தமிழ்நாட்டில், கடை உரிமையாளர் உள்ளிட்ட ஓரிரு பணியாளர்கள் கொண்ட கடைகள்தான் லட்சக்கணக்கில் உள்ளன. மற்ற கடைகளில்
 
பெரும்பாலானவை பத்துக்கும் குறைவான பணியாளர்களைக் கொண்டவையே. மேலும் இவையனைத்தும், மளிகை, ஹார்ட்வேர், எழுதுபொருள், தேநீர் திண்பண்டங்கள் உள்ளிட்ட  குறிப்பிட்ட வகைப் பொருட்களையே விற்பனை செய்பவையாகும். சிறிய நடுத்தர உணவகங்கள், சலவை நிலையம், நகலகங்கள், முடிதிருத்தகம் போன்ற சேவைக் கடைகளும் உண்டு. இவற்றை விடியவிடிய திறந்து வைத்தால், போதிய எண்ணிக்கையில் வாடிக்கையாளர்கள் வரமாட்டார்கள். அதனால் வரும் வருமானத்தை விட செலவே மிக அதிகமாக இருக்கும். 
 
 
ஆனால்  மிகப் பெரிய மால்கள், சூப்பர் மார்க்கெட்டுகளில் எல்லாவகையான பொருட்களும் விற்கப்படுவதால் நள்ளிரவிலும் வாடிக்கையாளர்கள் ஈர்க்கப்படுவார்கள். ஏற்கனவே ஒரு இடத்தில் மால் கட்டினால் சுற்றியுள்ள ஆயிரக் கணக்கான கடைகளில் வியாபாரம் பாதிக்கப்படுகிறது. அவற்றை வருடம் முழுவதும் திறந்தே வைத்திருக்க அனுமதிப்பது, வணிகத்தை முழுக்கப் பெருமுதலாளிகளிடம் ஒப்படைத்து விட்டு,  லட்சக் கணக்கான சில்லரை வணிகர்களை வயிற்றிலடித்து அவர்களின் குடும்பங்களைப் பட்டினி போடுவதாகும்.
 
 
இரவு நேரத்தில் பணியாளர்களை ஈடுபடுத்துவதற்கு பல நிபந்தனைகளை விதிப்பதாக அரசு கூறுகிறது. இப்போதே அந்த பெருவியாபார நிறுவனங்களில் எந்தச் சட்டமும் அமுலாவதில்லை.  இந்த நிறுவனங்களில் நடைபெறும் சட்டமீறல்கள், இழைக்கப்படும் மனிதநேயமற்ற கொடுமைகள் ஆகியவற்றில் சிலவற்றை  "அங்காடித் தெரு" என்ற திரைப்படம் வெளிப்படுத்தியது. 
 
இரவு 8 மணியிலிருந்து காலை 6 மணிவரை பெண் பணியாளர்களை வேலையில் ஈடுபடுத்தக் கூடாதாம். ஆனால் அந்தப் பெண் கையெழுத்திட்டு ஒப்புதல் தந்தால் பணிபுரியலாமாம். என்ன கேலிக் கூத்து இது? கையெழுத்திட எந்தப் பெண் பணியாளராவது மறுத்தால், அந்த நிமிடமே அவரது வேலை பறிபோய்விடும். அரசின் நிபந்தனைகள் காகிதத்தில் இருக்கலாம். அவற்றை  அமுலாக்க அரசாங்கம் நடவடிக்கை எடுக்க வழியில்லை. 
 
 
கடைகள் மற்றும் நிறுவனச் சட்டத்தை இவ்வாறு  திருத்துமாறு,  2016ம் ஆண்டு மார்ச் மாதத்திலேயே மத்திய அரசு வலியுறுத்தியது. சில மாநில அரசுகள் திருத்தின. ஆனால் அப்போது தமிழக முதலமைச்சராக இருந்த ஜெயலலிதா அவர்கள் ஏற்கவில்லை. 'அம்மாவின் அரசு' என்று வாய்க்கு வாய் சொல்பவர்கள், அம்மா எதிர்த்த ஒன்றை இப்போது அமுலாக்குவது கண்டனத்துக்குரியது.
 
 
கார்ப்பரேட்டுகள், பெருவணிகர்கள், பெரும் கடைகளை நடத்தும்  மார்வாரிகளுக்கு கொள்ளை லாபத்தைத் தந்து, உள்ளூர் சில்லரை வியாபாரிகளின் வாழ்வாதாரத்தைப் பறிக்கும் இந்தத் திருத்தத்தை தமிழக அரசு திரும்பப் பெறவேண்டும் என்று ஏஐடியூசி தொழிற்சங்கத்தின் தமிழ்நாடு மாநிலக் குழு வலியுறுத்துகிறது.
 
இவ்வாறு அந்த அறிக்கையில் கூறப்பட்டுள்ளது. 
 


click here
 

 

Print

 

கேலரி
புகைப்படத்தொகுப்பு -
மேலும்...