டெல்லி பயணம் மகிழ்ச்சியாக இருந்தது – ஓபிஎஸ்

தனது டெல்லி பயணம் மகிழ்ச்சியாக இருந்தது என்று அதிமுக ஒருங்கிணைப்பாளர் ஓ.பன்னீர் செல்வம் தெரிவித்துள்ளார்.

 
அதிமுக ஒருங்கிணைப்பாளர் ஓ.பன்னீர் செல்வம் நேற்று முன் தினம் இரவு டெல்லி சென்றார். நேற்று தேசிய ஜனநாயகக் கூட்டணி வேட்பாளர் திரெளபதி முர்மு வேட்பு மனு தாக்கல் செய்தார். இந்த நிகழ்ச்சியில் ஓ.பன்னீர் செல்வம் கலந்து கொண்டார்.

 
இந்த நிலையில், இன்று மாலை தனது டெல்லி பயணத்தை முடித்துக்கொண்டு சென்னை திரும்பிய ஓ. பன்னீர் செல்வம், " டெல்லி பயணம் மகிழ்ச்சி இருந்தது" என்றார். அதிமுகவில் ஒற்றைத்தலைமை விவகாரம் தொடர்பாக உள்கட்சி பிரச்சினை தீவிரம் அடைந்துள்ளது. எடப்பாடி பழனிசாமி - ஓ.பன்னீர் செல்வம் இடையே மீண்டும் பிளவு ஏற்பட்டுள்ள நிலையில், ஓ.பன்னீர் செல்வத்தின் டெல்லி பயணம் அரசியல் வட்டாரத்தில் உன்னிப்பாக கவனிக்கப்படுகிறது.