அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 எட்டாவது முறை பீகார் முதலமைச்சராகப் பதவியேற்றார் நிதிஷ்குமார்! 0 பிளவுகளைக் கடந்து நிச்சயமாக அதிமுக ஒன்றிணையும் – சசிகலா 0 ஒன்றாகத் தேர்வு எழுதி, ஒன்றாகத் தேர்ச்சி பெற்று, அரசு வேலைக்கு செல்லும் தாய் – மகன்! 0 பிரியங்கா காந்திக்கு மீண்டும் கொரோனா தொற்று உறுதி! 0 போதைப் பொருள் விற்பவர்கள் சொத்துகள் முடக்கப்படும் – முதலமைச்சர் 0 நிதிஷ் குமார் செய்தது நம்பிக்கை துரோகம்: பா.ஜ.க. 0 கள்ளக்குறிச்சி கலவர வழக்கில் கைதான 64 பேருக்கு நிபந்தனை ஜாமீன் 0 அரசியல் பேச ஆளுநர் மாளிகை கட்சி அலுவலகம் அல்ல: சிபிஐ(எம்) கண்டனம் 0 முல்லை பெரியாறு அணை பாதுகாப்பாக உள்ளது: மு.க.ஸ்டாலின் பதில் 0 பீகாரை போல் ஜனநாயக சக்திகள் ஒன்றிணைய வேண்டும்: திருமாவளவன் 0 நான் பேசியது சட்டத்துக்கு புறம்பானது இல்லை: கனல் கண்ணன் முன்ஜாமீன் கோரி மனுத்தாக்கல் 0 செஸ் ஒலிம்பியாட்: தங்கம் வென்ற தமிழக வீரர்கள்! 0 ஆட்சி அமைக்க உரிமை கோரினார் நிதீஷ் குமார்! 0 அதிமுகவின் முதல் எம்பியான மாயத்தேவர் காலமானார்! 0 அரசியல் அலுவலகமா ஆளுநர் மாளிகை? கே.பாலகிருஷ்ணன் கண்டனம்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

பன்றியின் இதயம் மனிதனுக்கு! மருத்துவ சாதனை

Posted : செவ்வாய்க்கிழமை,   ஜனவரி   11 , 2022  17:23:38 IST


Andhimazhai Image

ஒரு ஆச்சர்யமான செய்தி. இனி யாரையாவது பன்றியே என்று செல்லமாகத் திட்டுவதற்குக் கூட சற்று யோசிக்கவேண்டிய நிலை வரலாம். ஆம். அமெரிக்காவைச் சேர்ந்த மருத்துவர்கள் குழு பன்றியின் இதயத்தை மனிதனுக்குப் பொருத்தி சாதனை படைத்துள்ளது. உறுப்பு மாற்று அறுவை சிகிச்சையில் இதை ஒரு மைல் கல்லாகவே பார்க்கின்றனர் மருத்துவ உலகினர்.
 

உறுப்பு மாற்று அறுவை சிகிச்சைக்குத் தேவைப்படும் உறுப்புகள் கிடைக்காமல் தவிக்கும் நிலை இனி மாறலாம்.


அமெரிக்காவின் மேரிலாந்தை சேர்ந்த டேவிட் பென்னட் (வயது - 57) என்பர் இதய நோயால் பாதிக்கப்பட்டு உயிருக்குப் போராடிக்கொண்டிருந்தார். வேறு இதயத்தைப் பொருத்தாவிட்டால் அவரின் மரணம் உறுதி என்ற நிலையில், பன்றியின் இதயத்தை அவருக்குப் பொருத்த மேரிலாந்து மருத்துவ பல்கலைக்கழக மருத்துவர்கள் முடிவு செய்தனர். இதற்காக அமெரிக்க சுகாதாரத்துறையின் ஒப்புதலையும் அவர்கள் பெற்றனர்.


இதையடுத்து மனிதர்களின் உடலுக்கு பொருந்தும் வகையில் மரபணு மாற்றம் செய்யப்பட்ட பன்றியின் இதயம் டேவிட் பென்னட்டுக்கு கடந்த வெள்ளிக்கிழமை பொருத்தப்பட்டது. இந்த அறுவை சிகிச்சையானது எட்டு மணி நேரம் நடைபெற்றிருக்கிறது. சிகிச்சை முடிந்து மூன்று நாட்களுக்குப் பின் பென்னட் ஆரோக்கியமாக இருப்பதாக மருத்துவர்கள் தெரிவித்துள்ளனர். இருப்பினும், டேவிட் பென்னட், மருத்துவர்களின் தீவிர கண்காணிப்பில் இருந்து வருகிறார்.


மனிதர்களின் உடல் உறுப்புகளும் பன்றிகளின் உடல் உறுப்புகளும் ஏறத்தாழ ஒரே மாதிரியாக உள்ளன. இதனால் பன்றியின் இதயம் ஏற்கனவே மனிதர்களுக்குப் பொருத்தப்பட்டுள்ளது. ஆனால் அந்த இதயங்கள் மனித உடலுக்கு முழுமையும் பொருந்தாததால் அறுவை சிகிச்சைகளில் வெற்றி கிடைக்கவில்லை. எனவே மனிதர்களின் உடலுக்கு பொருந்தும் வகையில் பன்றியின் இதயத்தில் மரபணு ரீதியிலான மாற்றங்கள் செய்யப்பட்டு உலகிலேயே முதன்முறையாக உறுப்பு மாற்று அறுவை சிகிச்சை தற்போது செய்யப்பட்டுள்ளது.


அதாவது பத்து மரபணுக்கள் இந்த பன்றியில் மாற்றப்பட்டன. நான்கு மனிதனுக்கு ஒவ்வாத மரபணுக்கள் நீக்கப்பட்டு, மனித மரபணுக்கள் ஆறு இந்த பன்றியில் சேர்க்கப்பட்டு வளர்க்கப்பட்டது.


இதில் நம்பிக்கை தரும் முடிவு கிடைத்துள்ளதால், எதிர்காலத்தில் பன்றியின் மற்ற உடலுறுப்புகளையும் மரபணு மாற்றம் செய்து மனிதர்களின் உடலில் பொருத்தும் சூழல் ஏற்படலாம். ஏற்கெனவே பன்றியின் இதய வால்வுகள் மனிதனுக்குப் பொருத்தப்பட்டு வருகின்றன.

 

உலகெங்கும் உறுப்பு தானத்திற்காக காத்துள்ள கோடிக்கணக்கான நோயாளிகளுக்கு இது மிகப்பெரும் தீர்வாக இருக்கும் என எதிர்பார்க்கலாம்.

 



 

 

Print

 

கேலரி
புகைப்படத்தொகுப்பு -
மேலும்...