???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 கொரோனா இன்று- தமிழகம் 3616, சென்னை 1203! 0 முன்னாள் எம்.எல்.ஏ மரணம்! 0 89 வயதில் தந்தையான கோடீஸ்வரர்! இன்னொரு குழந்தைக்கும் அடிபோடுகிறார்! 0 உலக அளவில் கொரோனா பாதித்தவர்கள் எண்ணிக்கை 1.17 கோடியாக உயர்வு 0 செப்டம்பர் மாத இறுதிக்குள் கல்லூரி, பல்கலைக்கழக இறுதியாண்டு தேர்வு 0 ரேஷன் கடைகளில் நவம்பர் மாதம் வரை விலையின்றி கூடுதல் அரிசி 0 என்.எல்.சி விபத்தில் பலியானோர் எண்ணிக்கை 13 ஆக உயர்வு 0 குவைத் புதிய சட்டம்: தமிழர்கள் உள்பட 8 லட்சம் இந்தியர்களை வெளியேறும் அபாயம் 0 மன்னர் மன்னன் மரணம் தமிழர்களுக்கு ஈடு செய்யமுடியாத இழப்பு: மு.க.ஸ்டாலின் உருக்கம் 0 கொரோனா இன்று: தமிழகம்-3827 சென்னை-1747! 0 முன்னாள் அமைச்சர் பா.வளர்மதிக்கு கொரோனா! 0 ப்ளஸ்1- பழைய பாடத்திட்டமே தொடரும்! 0 தமிழகத்தில் 10 மாவட்டங்களில் மழைக்கு வாய்ப்பு! 0 தமிழகத்தில் மேலும் 4,150 பேருக்கு கொரோனா தொற்று உறுதி 0 கேரளாவில் கொரோனா கட்டுப்பாடுகள் 2021 ஜூலை வரை நீட்டிப்பு
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

கானகத்திற்கு அழைத்து சென்ற புகைப்படக் கலைஞர்கள்!

Posted : புதன்கிழமை,   ஜுன்   26 , 2019  06:53:27 IST


Andhimazhai Image
மெட்ராஸ் புகைப்பட கலைஞர்கள் சங்கம்(photographic society of madras) சார்பாக லலித் கலா அகாதமியில் நடைபெற்ற புகைப்பட கண்காட்சிக்கு செல்லும் வாய்ப்பு கிடைத்தது. ஜூன் 19 முதல் 25 ம் தேதிவரை மதியம் 12 முதல் இரவு 8 மணிவரை இந்த கண்காட்சி நடைபெற்றது.
 
 
அரங்கத்திற்குள் நுழைந்ததும் 50 மேற்பட்ட புகைப்படங்கள் எதை பார்ப்பது என்ற குழப்பம் ஏற்படும் அளவுக்கு அனைத்து புகைப்படங்களும் கவனத்தை ஈர்த்தன.  காலை மஞ்சள்  வெயிலில் ஆள் உயரம் வளர்ந்த புற்களுக்கு  நடுவில் நிற்கும் புள்ளிமான் கூட்டம், தண்ணீரில் இருந்து எழும்பும் பறவை, கானகத்தில் தனியாக நிற்கும் குதிரை,  மல்யுத்தம் செய்வது போல் தும்பிக்கையை பயன்படுத்தி மோதிக்கொள்ளும் இரு  யானைகள், இன்னும் அதிக தூரம் செல்ல வேண்டுமே என்று ஏங்கி நிற்கும் நத்தை..
 
 
 
என்று ஒரு கானகத்தை லலித் கலா அகாதமியின் அரங்கத்திற்குள் அடைத்து வைத்ததுபோல் இருந்தது. மாசில்லாத நதிகள்,  இமய மலையின் பனி நிறைந்த மலைகள்,  நதியின் கரையில் அமர்ந்து ரசிக்கும் பெண் என்று எண்ணற்ற புகைப்படங்கள்.
 
 
 
அரங்கத்தின் ஏசியின் குளிரில் , இந்த புகைப்படத்தை பார்த்தபோது எதோ கானகத்திற்கும், பனிகள் படர்ந்த மலைக்கும் சென்று வந்ததுபோல ஓரு உணர்வு ஏற்பட்டது.இயற்கையை மட்டுமல்லாமல் மனிதர்களையும், கட்டிடங்களையும், நாடக நடிகர்களின் முக பாவனைகளையும் மிக நெர்த்தியாக தங்களின் ஒளி மொழியால்  புகைப்படக் கலைஞர்கள் வெளிப்படுத்தியிருந்தனர்.
 
 
பிஎஸ்எம் கூட்டமைப்பை சேர்ந்த 87 புகைப்படக் கலைஞர்களால் எடுக்கப்பட்ட  புகைப்படங்கள் இந்த கண்காட்சியில் காட்சிப்படுத்தப்பட்டிருந்தன. எல்லா வருடமும் பிஎஸ்எம் சார்பில் இதுபோன்ற புகைப்படக்  கண்காட்சி நடத்தப்படுகிறது.
 
கண்காட்சின் இறுதி நாளான நேற்று நடைபெற்ற நிறைவு விழாவில் தினமலர் பத்திரிக்கையின் மூத்த புகைப்பட கலைஞர் முருக ராஜ் கலந்து கொண்டார். 
 
 
பிஎஸ்எம்-யின் துணை தலைவர் ஜெயானந்த் கோவிந்தராஜூ வரவேற்புரை வழங்கினார். இதைத்தொடர்ந்து பேசிய சிறப்பு விருந்தினர் முருக ராஜ் கூறுகையில், இந்த மேடையில் நான் நிற்க காரணமான பழமையும், பெருமையும் மிக்க பிஎஸ்எம் அமைப்புக்கும், நான் சார்ந்திருக்கும் தினமலர் நிர்வாகத்திற்கும் எனது நெஞ்சார்ந்த நன்றிகள்.
 
 
 
நீங்கள் எடுத்த புகைப்படங்களை பார்த்த பார்வையாளர்கள் உணர்ச்சி பொங்க வெளிப்படுத்திய கருத்துகள்தான் உங்களுக்கு கிடைத்த முதல் சான்றிதழ். நான் இப்போது உங்களுக்கு கொடுக்க இருப்பது இரண்டாவது சான்றிதழே. எனக்கும் அப்படித்தான்.
 
 
விருதுகளைவிட, பத்திரிக்கையில் எனது புகைப்படத்தை பார்த்துவிட்டு என்னிடம் பேசும் மக்களின் கருத்துகளை, பாராட்டுகளைத்தான் நான் பெரிதாக மதிக்கிறேன். இந்த புகைப்படங்கள் என் தேடலை மேலும் அதிகரித்துள்ளது. இங்கேதான் என்னை நான் புத்தாக்கம் செய்துகொள்கிறேன். என்னை அழைத்து கவுரவப்படுத்தியதற்கு நன்றி’ என்று தெரிவித்தார்.
 
 
 
இதைத்தொடர்ந்து 87 புகைப்படக் கலைஞர்களுக்கும் சான்றிதழ் வழங்கப்பட்டது.
 

 



click here
 

 

Print

 

கேலரி
புகைப்படத்தொகுப்பு -
மேலும்...