தேர்தல் ஆணையத்தில் ஓபிஎஸ் மனு தாக்கல்!

ஜூலை 11 ஆம் தேதி நடைபெறும் அதிமுக பொதுக்குழுக் கூட்டத்திற்கு அழைப்பு விடுக்கப்பட்டதற்கு எதிராக தேர்தல் ஆணையத்தில் அதிமுக ஒருங்கிணைப்பாளர் ஓ.பன்னீர்செல்வம் மனு தாக்கல் செய்துள்ளார்.

அதிமுக ஒருங்கிணைப்பாளர் ஓ.பன்னீர்செல்வம் சார்பில் வழக்குரைஞர்கள் இந்திய தலைமை தேர்தல் ஆணையத்தில் ஜூலை 11 ஆம் தேதி நடைபெறும் என அறிவிக்கப்பட்டுள்ள அதிமுக பொதுக்குழுக் கூட்டத்துக்கு தடை விதிக்க வேண்டும் என மனு அளிக்கப்பட்டுள்ளது.

அதில், அதிமுக ஒருங்கிணைப்பாளர் ஒப்புதல் இன்றி அழைப்பு விடுக்கப்பட்டுள்ள பொதுக்குழுக் கூட்டம் கட்சி விதிகளுக்கு புறம்பானது என மனுவில் தெரிவிக்கப்பட்டுள்ளது.

எடப்பாடி பழனிசாமி தரப்பு ஜூலை 11 ஆம் தேதி பொதுக்குழுவுக்கு ஏற்பாடு செய்துள்ள நிலையில் ஓபிஎஸ் இந்திய தேர்தல் ஆணையத்தில் மனு தாக்கல் செய்திருப்பது அதிமுகவிலும், தமிழக அரசியல் மேலும் பரபரபப்பை ஏற்படுத்தியுள்ளது.