அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 சென்னை ஓமந்தூரார் அரசினர் தோட்டத்தில் கருணாநிதி சிலை இன்று திறப்பு 0 தலைகுனிவை ஏற்படுத்தும் செயல்களை காவல்துறையினர் செய்துவிடக்கூடாது: முதலமைச்சர் 0 நடிகர் ஷாருக்கான் மகன் ஆர்யன் கானை விடுவித்தது போதை பொருள் தடுப்பு பிரிவு! 0 குழந்தைகள் தொடர்பான வழக்கு: உயர்நீதிமன்றம் முக்கிய அறிவுறுத்தல்! 0 360 டிகிரி எப்படி இருக்கும் தெரியுமா? அண்ணாமலைக்கு பாடம் எடுத்த பிடிஆர்! 0 பிரதமரிடம் கேட்காமல் யாரிடம் கேட்பது? சேகர்பாபு விளக்கம் 0 சபாநாயகருக்கு கார்த்திக் சிதம்பரம் கடிதம்: நாடாளுமன்ற சிறப்புரிமையை மீறியதாக குற்றச்சாட்டு 0 சர்வதேச புக்கர் விருதை பெற்ற முதல் இந்திய எழுத்தாளர்! 0 ப்ளூட்டோ முதல் ப்ளூட்டி வரை - 13: மருத்துவர் அகிலாண்ட பாரதி எழுதும் தொடர்! 0 மாநிலங்களைத் தேர்தல்: திமுக வேட்பாளர்கள் வேட்பு மனுத்தாக்கல் 0 தமிழக பாஜக தலைவர் அண்ணாமலை நடித்துள்ள கன்னட படத்தின் டீசர் இன்று மாலை வெளியீடு! 0 மசூதிகள் கட்டுவதற்கு 36,000 இந்துக் கோயில்கள் இடிப்பு – பாஜக எம்.எல்.ஏ சர்ச்சை பேச்சு! 0 சேத்துமான்: திரைவிமர்சனம்! 0 விஷமக்காரன்: திரைவிமர்சனம்! 0 குட்கா, புகையிலை பொருட்களுக்கு விதிக்கப்பட்ட தடை மேலும் ஓராண்டு நீட்டிப்பு!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

புது நாவல் வரிசை:10 - சட்டைக்காரி

Posted : சனிக்கிழமை,   டிசம்பர்   25 , 2021  18:13:58 IST


Andhimazhai Image

வடசென்னையின் வரலாற்றையும், அங்கு வாழும் மக்களின் வாழ்க்கை போராட்டத்தையும் தனது படைப்பின் வழியே பதிவு செய்து வருபவர் எழுத்தாளர் கரன் கார்க்கி. அவர் புதிதாக எழுதியுள்ள ‘சட்டைக்காரி’ நாவல், நீலம் பதிப்பகத்தின் வெளியீடாக வர உள்ளது.

“1958 வாக்கில்  நடக்கக்கூடிய கதை தான் சட்டைக்காரி.” என கதை நிகழும் காலத்தைக் கூறியவர், நாவலின் கதைக்களம் என்ன என்பதை விரிவாக ஆரம்பித்தார்.

“வடசென்னை என்றாலே முகம் சுழிக்கும் பாவனை இன்றும் இருக்கவே செய்கிறது. தூசி படிந்த, திருடர்கள் நிறைந்த, வேசிகள் அதிகம் காணப்படுகிற மாதிரியான ஒரு தோற்றம் வட சென்னைக்கு இருக்கின்றன. இந்த தோற்றத்துக்கு என சில அரசியல் காரணங்கள் உள்ளன. இந்திய மனோபாவத்தில் உள்ள மேல் - கீழ் என்ற பாகுபாடே இதற்கு காரணம். இந்த பிரிவினை எல்லா இடத்திலும் நிறைந்து காணப்படுகிறது.

இந்திய மரபில் எதிர்வினையாடல் செய்யக்கூடிய ஒன்றை இழிவாகப் பார்க்கக் கூடிய பார்வை பன்னெடுங்காலமாக இருந்து வருகிறது. சொன்னால் கேட்டுக் கொள்ள வேண்டும். எதிர்வினையாற்ற கூடாது. கிராமங்களில் உள்ளவர்கள் இதை ஒரு சமூக பழக்கமாகவே கடைப்பிடித்தனர்.

ஒரு அறுபது ஆண்டுகளுக்கு முன்பாக கிராமத்திலிருந்து நகரத்திற்கு வந்தவர்கள், சுதந்திரத்தை அனுபவிக்க வேண்டும் என்பதற்காகத்தான் இங்கு வந்தனர். இப்படி நகரத்திற்கு வந்தவர்கள் எதிர்வினையாற்றக் கூடியவர்களாக இருந்தனர்.

அதேபோல், வடசென்னையில் நிறைய ஆங்கிலோ - இந்தியர்கள் இருந்தனர். விளிம்பு நிலை மக்களும் பெரும் கூட்டமாக வாழ்ந்தனர். சட்டைக்காரர்கள் என்று நாம் அழைக்கக் கூடிய ஆங்கிலோ- இந்தியர்கள், இப்போது ஏன் குறைந்து போனார்கள் என்பதற்கான அரசியல் வரலாற்றுப் பின்னணி என்ன  என்பதை நாவல் பேசுகிறது.

இங்கு இருந்த ஆங்கிலோ - இந்தியர்கள் வீட்டில் ஆயா என்ற பெண்ணை வைத்துக் கொள்வார்கள். அவர்களை வேலைக்காரி மாதிரி வைத்து கொள்ளாமல், தங்கள் வீட்டில் உள்ள ஒருவராக மதிப்பார்கள். அவர்கள் வெளிநாடுகளுக்கு செல்லும் போது, இந்த ஆயாக்களையும், அவர்களின் குடும்பத்தையும் கூடவே அழைத்துச் சென்றுவிடுவார்கள். அப்படி வெளிநாடுகளுக்கு சென்று செட்டிலானவர்கள் நிறைய பேர். இப்படியான உறவைப் பற்றி, அந்த வாழ்வியலைப் பற்றி, அவர்களுக்கு இடையிலான பரஸ்பரம் எப்படி காணாமல் போனது என்ற துயரத்திலிருந்து எழுதப்பட்டது தான் இந்த சட்டைக்காரி நாவல்.

ஐம்பது அறுபது ஆண்டுகளுக்கு முன்பிருந்த ஆங்கிலோ - இந்தியர்கள், கால்பந்தாட்டக்காரர்கள், கை ரிக்‌ஷாக்காரர்கள் பற்றி உயிரோட்டமாக எழுத வேண்டும் என நினைத்து இந்த நாவலை எழுதினேன். வேகமாக மாறிவரும் காலச் சூழலை கருத்தில் கொண்டு, வட சென்னையின் வரலாற்று அடையாளங்களை பதிவு செய்திருக்கிறேன்.” என்றார்.


நாவல்: சட்டைக்காரி
ஆசிரியர்:கரன் கார்க்கி
பதிப்பகம்: நீலம்
விலை: ரூ.350  

தா.பிரகாஷ்



 

 

Print

 

கேலரி
புகைப்படத்தொகுப்பு -
மேலும்...