இலங்கையில் நான்கு புதிய அமைச்சர்கள் நியமனம்!

இலங்கையில் நான்கு புதிய அமைச்சர்களை அதிபர் கோத்தபய ராஜபக்சே நியமித்துள்ள நிலையில், அவர்கள் இன்று பதவியேற்றுக் கொண்டனர்.

இலங்கையின் புதிய பிரதமராக ரணில் விக்ரமசிங்கே நேற்று முன் தினம் பதிவியேற்றுக் கொண்டார். இதனைத் தொடர்ந்து புதிய அமைச்சரவை உருவாக்கும் பணி தீவிரமாக நடைபெற்று வந்தநிலையில், அதிபர் மற்றும் பிரதமர் உட்பட 20 அமைச்சர்கள் இடம்பெறுவார்கள் என தகவல்கள் வெளியாகின.

இந்நிலையில், நான்கு புதிய அமைச்சர்களை அதிபர் கோத்தபய ராஜபக்சே இன்று நியமித்தார். அதன்படி, தினேஷ் குணவர்தன பொது நிர்வாகம், உள்துறை அமைச்சராகவும், எம்.பி.பிரசன்னா ரணதுங்கா சுற்றுலாத்துறை அமைச்சராகவும், மின்சாரம் மற்றும் எரிசக்தித்துறை அமைச்சராக எம்.பி.காஞ்சனா விஜெசேகரவும், வெளியுறவுத்துறை அமைச்சராக பேராசிரியர் ஜி.எல்.பீரிஸ் ஆகியோரும் பதவியேற்றுள்ளனர்.

மே மாதம் 17ஆம் தேதி  நாடாளுமன்றம் கூடுவதற்கு முன்னர் புதிய அமைச்சரவை முழுமையாக உருவாக்கப்படும் என தகவல்கள் தெரிவிக்கின்றன.