கொரோனா பரவலைக் கட்டுப்படுத்த தமிழக அரசு பிறப்பித்துள்ள கட்டுப்பாடுகள் என்னென்ன?

அனைத்து வழிபாட்டுத் தலங்களிலும் திருவிழாக்கள் மற்றும் மதம் சார்ந்த கூட்டங்கள் நடத்த அனுமதி இல்லை என தமிழக அரசு பிறப்பித்துள்ள உத்தரவில் தெரிவிக்கப்பட்டுள்ளது.

கொரோனா பரவலைக் கட்டுப்படுத்தும் விதமாகத் தமிழக அரசு புதிய வழிகாட்டு நெறிமுறைகளை வெளியிட்டுள்ளது. நாளை மறுநாள் (ஏப்ரல்-10) முதல் இந்தக் கட்டுப்பாடுகள் அமலுக்கு வருகிறது. அவற்றில் சில.

• திருவிழாக்கள் மற்றும் மதம் சார்ந்த கூட்டங்களுக்கு நாளை மறுநாள் முதல் தடை விதிக்கப்படுகிறது
• கோயம்பேடு வணிக வளாகத்தில் சில்லறை வியாபார காய்கனி அங்காடிகள் செயல்படத் தடை
• பேருந்துகளில் நின்று கொண்டு பயணிக்க அனுமதியில்லை
• காய்கறிக் கடைகள், பலசரக்கு கடைகள், வணிக வளாகங்கள், ஷோரூம்கள் மற்றும் பெரிய கடைகள் ஆகியவை 50 சதவீத வாடிக்கையாளர்களுடன் மட்டும் இரவு 11 மணி வரை செயல்பட அனுமதி
• பொழுதுபோக்கு பூங்காக்கள், பெரிய அரங்குகள், உயிரியல் பூங்காக்கள், அருங்காட்சியகங்கள் 50 சதவீத வாடிக்கையாளர்களுடன் செயல்பட அனுமதி
• திரையரங்குகள் 50 சதவீத இருக்கைகளுக்கு மட்டுமே அனுமதி
• உள் அரங்குகளில் கல்வி, அரசியல், பொழுதுபோக்கு விளையாட்டு மற்றும் கலாச்சார நிகழ்வுகளில் 200 பேர் பங்கேற்க அனுமதி
• திருமண நிகழ்வுகளில் 100 நபர்களுக்கு மிகாமலும், இறுதி ஊர்வலத்தில்  50 நபர்களுக்கு மிகாமலும் கலந்து கொள்ள அனுமதி
• நீச்சல் குளங்கள் விளையாட்டு பயிற்சிகளுக்கு மட்டும் அனுமதி
• அனைத்து வழிபாட்டுத் தலங்களிலும் திருவிழாக்கள் மற்றும் மதம் சார்ந்த கூட்டங்கள் நடத்த அனுமதி இல்லை
• சின்னதிரை மற்றும் திரைப்படத்துறை தொடர்ந்து செயல்பட அனுமதி
• ஆட்டோக்களில் ஓட்டுநர் தவிர்த்து இருவருக்கு மட்டுமே அனுமதி உள்ளிட்ட பல்வேறு கட்டுப்பாடுகளையும், வழிகாட்டு நெறிமுறைகளையும் மக்கள் பின்பற்ற வேண்டும் என தமிழக அரசு அறிவுறுத்தியுள்ளது.