சூர்யாவின் ஜெய்பீம் படத்திற்கு 2 விருதுகள் அறிவிப்பு!

தாதா சாகேப் பால்கே திரைப்பட விழாவில் விருதுகள் பட்டியல் வெளியான நிலையில் ,ஜெய்பீம் படத்திற்கு 2 விருதுகள் கிடைத்துள்ளன .


இயக்குநர் ஞானவேல் இயக்கத்தில் சூர்யா, மணிகண்டன் , லிஜோமொள் ஜோஸ், ராஜிஷா விஜயன் உள்ளிட்ட பலர் நடிப்பில் வெளியான படம் ஜெய் பீம். இந்த படம் கடந்த ஆண்டு நவம்பர் மாதம் அமேசான் பிரேம் ஓடிடி தளத்தில் வெளியானது.


இந்தப் படம் உண்மை சம்பவத்தை அடிப்படையாக கொண்டு எடுக்கப்பட்டது. படம் ரசிகர்களுக்கு மத்தியில் சிறந்த விமர்சனத்தைப் பெற்றது. உலக அளவில் பல திரைப்பட விழாக்களில் திரையிடப்பட்ட தோடு பல விருதுகளையும் குவித்தது.


இந்நிலையில் 12 வது  தாதா சாகேப் பால்கே திரைப்பட விழாவில், விருதுகள் பட்டியல் வெளியான நிலையில்,ஜெய்பீம் படத்திற்கு 2 விருதுகள் கிடைத்துள்ளன .


சிறந்த படமாக ஜெய்பீம் தேர்வு செய்யப்பட்டுள்ளது ,மேலும் படத்தில் ராஜகண்ணு கதாபாத்திரத்தில் நடித்த மணிகண்டன் சிறந்த துணை நடிகராக தேர்வு செய்யப்பட்டுள்ளார். இந்த தகவலை படத்தின் தயாரிப்பு நிறுவனமான 2டி நிறுவனம் பகிர்ந்துள்ளது